Wednesday, February 17, 2016

ಉತ್ತರಿಸೋ

ಹಾಗೆ ದೂಡಿದರೆ ಬಾಗಿಲಿಗೇ ಬಿರುಕು
ಚೌಕಟ್ಟಿಗಲ್ಲ
ಎಳೆದ ರೀತಿಗೆ ಪರದೆಯೇ ಕೈಗೆ
ಕಿಟಕಿಯಲ್ಲ
ಇತ್ತಿಂದ ಗೋಡೆ ಅತ್ತಿಂದ ನೆಲ ಅದುರಿಸಿದೆಯೋ
ನೋವು ನಿನಗೇ
ಅದೇನದು ಒಂಟಿಗಾಲಲ್ಲಿ ನಿಂತು
ಮುಗಿಲಿಗೆ ಮುಖಮಾಡಿ
ಬಯಲೇ ಆಲಯವೆನ್ನುವುದು ಆಗಾಗ?

ಬಾನಸೂರಿನ ಮೇಗಳ ಸಾಲು ಮಿಂಚಿ ಮಾಯ;
ಹರಿಯಲಾರದು ಹಂಬಲ ಬಯಲಾಗದೆ

ಆ... ಬಯಲು ಬಯಲನೇ ಬಿತ್ತಿ ಬೆಳೆದು
ಬಯಲು ಬಯಲಾಗಿ ಬಯಲಾಯಿತೆಂದವನೆಲ್ಲೀಗ?
ಕರೆತನ್ನಿ ಸಿಕ್ಕರೆ, ಕೇಳಬೇಕಿದೆ;
'ಶರಧಿ ಎದೆಯೊಳ ಹೂತ ಪುಟ್ಟಪಾದ
-ಮರಳಗೋಪುರಕ್ಕೆ ಯಾಕೆ ಕಿಟಕಿ ಧ್ಯಾನ?'

-ಶ್ರೀದೇವಿ ಕಳಸದ

No comments: